- Concello
- O Municipio
- Que visitar
- Servicios ao cidadá
- Enlaces
- Actas de Goberno
- Contas Municipais
- Convenios
<- voltar
ARRANCAN AS OBRAS DE RENOVACIÓN DO CAMPO DE FÚTBOL DE PALAS DE REI, QUE FINANCIA A DEPUTACIÓN LUCENSE CON 230.000 EUROS
ARRANCAN AS OBRAS DE RENOVACIÓN DO CAMPO DE FÚTBOL DE PALAS DE REI, QUE FINANCIA A DEPUTACIÓN LUCENSE CON 230.000 EUROS
O Deputado de Relacións Institucionais, Álvaro Santos Ramos, xunto ao Alcalde de Palas de Rei, Pablo Taboada Camoira, supervisaron, en días pasados, o inicio dos traballos de mellora do campo de fútbol municipal Os Chacotes, que decidiu financiar o Goberno Provincial cunha achega de 230.000 euros da Deputación. O Concello colabora no financiamento con outros 4.000 euros.
Santos Ramos explicou que “con estas actuacións, damos resposta ás demandas dos 6 clubes de fútbol do Concello, que empregan a cotío estas instalacións municipais. Durante estes vindeiros 3 meses, que é o prazo de execución das obras, dotaremos ao terreo de xogo de herba artificial e dun novo sistema de rego, ademais de mellorar os vestiarios e os accesos, renovando, por completo, Os Chacotes. Estas actuacións enmárcanse dentro da nosa aposta por unha Deputación coas persoas, social e rural, que cumpre coas necesidades dos veciños e mellora os seus servizos públicos”
Con estas melloras, beneficiaranse aos equipos de fútbol das categorías de benxamín, alevín, infantil, cadete, xuvenil e senior. Ademais, reforzaranse as actividades das Escolas Deportivas Municipais, como por exemplo as de fútbol sala, pois tamén adestran neste campo de fútbol.
200.000 euros máis en outras melloras de servizos públicos
O Deputado destacou que, ademais destas actuacións de 230.000 euros, o Executivo Provincial financia en Palas de Rei, con 200.000 euros máis, outras 6 obras tamén de mellora de servizos públicos aos veciños, como, por exemplo, o acondicionamento do paseo fluvial, do campo da festa, do centro de saúde e do PAC.
