- The City Council
- The Municipality
- Visiting Palas de Rei
- Citizen Services
- External Links
- Contact
<- voltar
A XUNTA INICIA AS OBRAS DE MELLORA DA EFICIENCIA ENERXÉTICA NO COLEXIO DE PALAS DE REI, QUE CONTAN CUN ORZAMENTO DE 243.000 EUROS
A XUNTA INICIA AS OBRAS DE MELLORA DA EFICIENCIA ENERXÉTICA NO COLEXIO DE PALAS DE REI, QUE CONTAN CUN ORZAMENTO DE 243.000 EUROS.
A Consellería de Cultura, Educación e Universidade deu comenzó ás obras de mellora da eficiencia enerxética no Colexio de Educación Infantil e Primaria (CEIP) de Palas de Rei, ás obras que destina un orzamento de 243.000 euros.
O delegado Territorial da Xunta en Lugo, Javier Arias, visitou o Centro acompañado polo alcalde, Pablo Taboada, donde explicou que os traballos afectarán ás carpinterías, falsos teitos e canlóns e baixantes, entre outros elementos, co obxectivo de mellorar o illamento, evitando tanto a entrada de humidades como de aire. Este aforro enerxético complementarase coa instalación de luminarias máis eficientes e de menor consumo.
Arias, lembrou que a situación sanitaria obrigou a modificar a programación de obras nos centros educativos, pero “realizaranse de xeito que interfiran o mínimo posible no desenvolvemento da actividade docente”.
O proxecto contempla a substitución das ventás e as portas de aluminio con rotura de ponte térmica e con dobre acristalamento. Tamén se cambiará o falso teito exterior, que incorporará illamento e en determinados puntos do centro colocarase un falso teito interior con absorción acústica.
Tamén se renovará a iluminación, instalando luminarias de encaixar ou de superficie tipo LED así como sistemas de reguación multisensor e de detección de movemento, que axustarán gradualmente a intensidade segundo a achega de luz natural, e activarán e apagarán automáticamente as luces nas zonas común.
A actuación sobre os canlóns e as baixantes evitará filtracións de auga aos paramentos. A continuación realizaranse os traballos de limpeza e pintado da fachada exterior. Por último, acomenteranse outros traballos como a apertura dun oco para mellorar a ventilación do forxado sanitario, a eliminación dunha porta que actualmente está tapiada polo interior, e o pintado de distintas estancias do colexio.
Ditas obras permitirán “resolver problemas na envolvente do edificio, mellorar tanto o estado xeral de conservación como o confort das instalacións, e ao mesmo tempo aforrar custos enerxéticos e reducir emisións contaminantes á atmosfera, un obxectivo que inspira todas as actuacións que a Xunta está a levar a cabo nos centros educactivos nos últimos anos” tal como manifestou Xavier Arias.