GALICIA ESTÁ, DENDE ESTE XOVES 22 DE OUTUBRO, NO NIVEL 2, DE MEDIDAS A CUMPRIR, ENTRE OUTRAS:

-Os grupos para o desenvolvemento de calquera actividade ou evento familiar ou social quedan reducidos a 5 persoas como máximo (agás convivintes).

-Quedan prohibidas a celebración de festas, verbenas e outros eventos populares.

-Recoméndase ás persoas maiores de 75 anos que eviten saír á rúa nas horas de maior concentración de persoas.

-Nos velorios só poderán reunirse 25 persoas se son ao aire lire e 10 en espazos pechados, sexan ou non conviventes.

-As comitivas de enterro limítanse a un máximo de 25 persoas.

-A asistencia a lugares de culto non poderá superar o 50% da capacidade, e non poderán usarse o exterior dos edificios nin a vía pública.

-Nas cerimonias relixiosas deberán aplicarse as regras de capacidade para os lugares de culto.

-Nas celebracións en establecementos de restauración poderán participar ata 100 persoas se son ao aire libre e 50 en espazos pechados.

-Os establecementos comerciais non poderán superar o 50% da súa capacidade, debendo prestar atención preferente ás persoas maiores de 75 anos.

-As feiras non poderán superar o 50% dos postos, o que poderá compensarse ampliando o espazo ou fixando novos días de celebración.

-Tamén se limita ao 50% a ocupación dos establecementos de hostalaría, e ao 75% nas terrazas. Queda prohibido o consumo na barra. Non se permitirá o acceso de clientes a partir das 00.00 horas.

-Academias, autoescolas e centros privados poderán funcionar ao 50% da súa capacidade.

-Os hoteis e aloxamentos turísticos non poderán superar tampouco o 50% de ocupación nas zonas comúns.

-Bibliotecas, arquivos, museos e salas de exposicións, monumentos, cines, teatros, auditorios e outros equipamentos culturais, tanto públicos coma privados, así coma os centros de lecer infantil, non poderán superar o 50% da súa capacidade.

-A actividade deportiva non federada poderá practicarse sen contacto e en grupos dun máximo de 5 persoas, ademais do/a monitor/a, se é o caso.

-A celebración de eventos deportivos, adestramentos e competicións deportivas poderá contar con público, sempre que non se supere o 50% e, en todo caso, as 60 persoas en lugares pechados e 150 ao aire libre.

-Nas actividades de tempo libre deberá respectarse a organización en grupos dun máximo de 5 participantes.

-Os centros sociais poderán abrir ao 50% da súa capacidade e sempre que nas actividades grupais non se superen os 5 participantes.

-Nos parques e zonas deportivas de uso público ao aire libre deberá respectarse unha ocupación de 1 persoa por cada 4 metros cadrados.

Para máis información: Diario Oficial de Galicia.