- The City Council
- The Municipality
- Visiting Palas de Rei
- Citizen Services
- External Links
- Contact
<- voltar
A IGREXA DE SAN TIRSO ACOLLE ESTE DOMINGO UN BELEN VIVINTE, EN VIRTUDE DA COLABORACIÓN ENTRE O OBRADOIRO MUNICIPAL DE TEATRO, A CORAL POLIFÓNICA E DOS VECIÑO/AS DE PALAS DE REI
A IGREXA DE SAN TIRSO ACOLLE ESTE DOMINGO UN BELEN VIVINTE, EN VIRTUDE DA COLABORACIÓN ENTRE O OBRADOIRO MUNICIPAL DE TEATRO, A CORAL POLIFÓNICA E DOS VECIÑO/AS DE PALAS DE REI
O domingo, 23 de decembro, ás 12:30 horas, o alumnado do Obradoiro Municipal de Teatro de Palas de Rei, veciños e veciñas desta localidade e a Coral Polifónica de Palas escenificarán un belén vivinte na igrexa parroquial de San Tirso de Palas de Rei, durante a celebración da Santa Misa.
Esta actividade, que se realizará por segunda vez este ano, está sendo acollida con entusiasmo pola veciñanza, posto que aumentou a participación con respecto ao ano pasado. Do apartado teatral encargarase o alumnado do Obradoiro Municipal de Teatro de Palas de Rei e os veciños e veciñas desta localidade dirixidos por membros de AlentÃa Teatro e a parte musical correrá a cargo da Coral Polifónica desta vila que interpretará varias panxoliñas ensambladas coa parte dramática.
O TEATRO e a MÚSICA serán, polo tanto, as ferramentas sobre as que se vertebrará este acto e propiciará a relación, a convivencia e o entendemento entre persoas de franxas de idade comprendidas entre os tres ata o noventa anos cun obxectivo común: a celebración do nacemento de Xesús.
Esta será a primeira actuación do curso 2018-19 do Obradoiro Municipal de Teatro de Palas de Rei, dun programa que ten previsto o intercambio con alumnado de centros educativos de Laxe, Touro, Santiago, A Estrada e Touro e que propiciará actuacións nesas localidades, en El Masnou (Cataluña); Francia; Poznan (Polonia) e Italia nos meses de marzo, abril e maio.
O alumnado deste grupo seguirá amosando a súa faciana máis solidaria cunha actuación a favor da ONG Meniños, de apoio á infancia, no mes de marzo no Teatro Principal de Ourense para alumnado de diferentes centros educativos desta cidade.
Â